झापा । झापाको अर्जुनधारा नगरपालिका निवासी एक जनामा कोरोना संक्रमण पुष्टि भएको छ ।
अर्जुनधारा ३, का २४ वर्षीय युवकमा संक्रमण पुष्टि भएको स्वास्थ्य शाखा प्रमुख मुकुन्द बस्नेतले बताए ।
साउन ६ गते उनी लगायत ३९ जनाको स्वाब संकलन गरि परीक्षण गरिएकोमा उनको मात्रै पोजेटिभ रिपोर्ट आएको हो ।
उनी भारतबाट साउन २ गते काँकरभिट्टा नाकाहुँदै अर्जुनधारा आएका थिए । कोरोना संक्रमण देखिए पछि उनलाई थप उपचारका लागि मोरङको गोठ गाउँ लैजाने तयारी भइरहेको छ ।
यसअघि ४ महिलासहित १३ जनाको रिपोर्ट पोजेटिभ आएको थियो । उनीहरु उपचारपछि निको भएर घर फर्किसकेका छन् ।
बिहीबार १ जना संक्रमित थपिएसंगै झापामा कोरोना संक्रमितको संख्या ३२० पुगेको छ ।
