झापा । झापाको अर्जुनधारा नगरपालिकाले थप चार दिन नगरपालिका क्षेत्रमा बन्दाबन्दी गर्ने भएको छ ।
बिहीबार बसेको नगरको बैठकले थप चार दिन लकडाउनको अवधि थप गर्ने निर्णय गरेको हो ।
अर्जुनधारा नगर क्षेत्रमा पनि समुदायमा कोरोना भाइरस संक्रमित फेला परिसकेकाले थप समुदायस्तरमा फैलनसक्ने सम्भावना रहेको भन्दै उक्त निर्णय गरिएको नगर प्रमुख हरिकुमार रानाले बताए ।
नगरपालिकाको सभाकक्षमा बसेको बैठकले नगरमा कन्ट्याक ट्रेसिङ गर्न सहज होस् भन्नका लागि लकडाउन थप गरिएको नगरपालिकाले जनाएको छ ।
यस अघि नगरपालिकाले साउन १८ गते बिहान ५ गतेदेखि २२ गतेसम्म लकडाउन गर्ने निर्णय गरेको थियो ।