माङसेबुङ । इलामको माङसेबुङ गाउँपालिकामा कोरोना भाइरस (कोभिड १९) को परिक्षण गर्दा सबै रिपोर्ट नगेटिभ आएको छ ।
एक साता अघि ४१ जनाको स्वाब संकलन गरि पीसीआर परिक्षणका लागि पठाइएकोमा सबै जनाको रिपोर्ट नेगेटिभ आएको गाउँपालिका कार्यालयले जनाएको छ ।
गाउँपालिकाका जनप्रतिनिधि, कर्मचारी र गाउँपालिका भन्दा बाहिरबाट आएकाहरुको स्वाब संकलन गरि पीसीआर परिक्षणका लागि पठाइएको थियो ।
परिक्षणमा उनीहरु सबैको रिपोर्ट कोरोना नेगेटिभ आएको गाउँपालिकाका कोभिड १९ फोकल पर्सन दिपक ल्वागुनले बताए ।
