इलाम । इलामको देउमाइ नगरपालिका ७, निवासी हड्डी क्यानसरका बिरामी आइतराज फेजङलाई आर्थिक सहयोग हस्तान्तरण गरिएको छ ।
आइतराज फेजोङ बचाउँ अभियानद्धारा युएई दुबई, मलेसिया, कतार, साउदी अरब, दक्षिण कोरीया, अमेरिका र बेलायत लगायतका देशहरुमा सहयाग अभियान सञ्चालन गरी मंगलबार संकलित सहयोग रकम जम्मा रु.४ लाख ४९ हजार ९ सय ७७ रुपैयाँ बिरामीको बुबा हर्कबहादुर फेजोङलाई हस्तान्तरण गरिएको हो ।
आर्थिक अवस्था कमजोर भएको र उपचार खर्च न्युनतम १५ लाख भन्दा ज्यादा रकम लाग्ने अस्पतालले जनाए पछि सहयोग अभियान सुरु गरेको अभियान समितिले जनाएको छ । छोराको उपचारको लागी सहयोग अभियान चलाएर सहयोग जुटाइदिन बिरामीका बुबा हर्कबहादुर येक्तेनले आग्रह गरे पछि येक्तेन मोरोहाङ कल्याण समाज प्रवास समितिले बिगत दुइ महिना अगाडिबाट आभियान सुरु भएको थियो ।
येक्तेन मोरोहाङ कल्याण समाजका केन्द्रीय सदस्य समेत रहेका टिका येक्तेनले प्रवास समिति तथा अभियान संयोजन गरेका छन् । नेपालमा अभियन सहजिकरण भने हर्कराज येक्तेनले गरेका छन् ।
