दमक । झापाको दमकस्थित भुटानी शरणार्थी शिविरमा आगलागी हुँदा एकजनाको जलेर मृत्यु भएको छ ।
दमक नगरपालिका–३ स्थित भुटानी शरणाथी शिविरमा आगलागी हुँदा ६० वर्षीय देशमान राईको जलेर मृत्यु भएको हो ।
सोमबार बेलुका करिब साढे ७ बजे एक्कासी आगलागी हुदां बाँसले बारेको एक तले घरमा सुतिरहेका अवस्थामा प्यारालाइसिसका बिरामी राईको जलेर मृत्यु भएको हो ।
दमक नगरपालिकाको दमकलको सहयोगमा सशस्त्र प्रहरी, नेपाल प्रहरी र स्थानीयवासी आगो निभाएका थिए ।
जिल्ला प्रहरी कार्यालय झापाका अनुसार आगलागीबाट तीन लाख रुपैयाँ बराबरको सुनचाँदी, आठ लाख रुपैयाँ बराबरको खाद्यान्न र लत्ताकपडा जलेर नष्ट भएको छ । आगलागीको कारण भने खुलेको छैन ।
