इलाम । इलाममा पछिल्लो २४ घण्टामा थप ७३ जना कोरोना भाइरस संक्रमित थपिएका छन् । योसँगै कोरोना भाइरस संक्रमितको संख्या १ हजार २ सय १ पुगेको छ ।
इलाममा बिहिबार कोरोना भाइरस संक्रमितको संख्या १ हजार २ सय १ पुगेको जिल्ला प्रशासन कार्यालय इलामले जनाएको छ ।
पछिल्लो २४ घण्टामा माङसेबुङ गाउँपालिकामा सबैभन्दा बढी २४ जना, चुलाचुली गाउँपालिकामा ४ जना, माई नगरपालिकामा १७ जना, इलाम नगरपालिकामा १० जना, रोङ गाउँपालिकामा ९ जना, सूर्योदय नगरपालिकामा २ जना र देउमाई नगरपालिमा ७ जनामा संक्रमण पुष्टि भएको हो ।
इलाममा हालसम्म २६ जनाको कोरोना भाइरस संक्रमणबाट ज्यान गएको छ ।