इलाम । इलाममा बिहिबार थप ४६ जनामा कोरोना भइरस (कोभिड–१९) संक्रमण पुष्टि भएको छ ।
इलाम नगरपालिकामा ३२ जना, सूर्योदय नगरपालिकामा ९ जना, माई नगरपालिका, फाकफोक थुम गाउँपालिकामा २–२ जना र रोङ गाउँपालिकामा १ जना संक्रमित थपिएका छन् ।
यसैगरि कोरोनाको संक्रमण बढ्दै गएपछि रोङ गाउँपालिकाले आफ्नो वडा नं. ३ र ४ लाई आज (बिशिबार) राती १२ बजेदेखि एक हप्ताका लागि सिल गरेको छ । वडा नं. ५ का पसलहरु समेत बन्द गरेको छ ।
रोङ गाउँपालिकाले विहीबार एक सूचना जारी गर्दै सिल गरेको जनाएको छ । झापा र भारतीय सीमामा पर्ने रोङमा पनि कोरोनाको दोस्रो लहरको प्रभाव बढी देखिएको छ ।
रोङमा अहिलेसम्ममा दुई सय ८५ जना संक्रमित भएका छन् । यसरीनै इलाममा कोरोना संक्रमणबाट जिल्लामा मृत्यू हुनेको संख्या भने ६३ पुगेको छ ।
