इलाम । इलाममा शनिबार जिल्लाभर थप १६ जनामा कोरोना भाइरस (कोभिड–१९) संक्रमण पुष्टि भएको छ ।
यससँगै इलाममा अहिलेसम्म कोरोना भाइरस संक्रमितको कुल संख्या ४ हजार २ सय ७७ पुगेको छ ।
इलाम नगरपालिकामा –२, माई नगरपालिकामा –१० र सन्दकपुर गाउँपालिकामा –४ गरि १६ जनामा संक्रमण पुष्टि भएको जिल्ला प्रशासन कार्यालय इलामले जनाएको छ ।
कार्यालयका अनुसार ९ जना आइसियुमा उपचार गराइ रहेका छन् । ८ सय १३ होम आइसोलेसनमा र ८ जना सामान्य उपचारमा रहेको जनाइएको छ ।
अहिले सम्म इलाममा कोभिडबाट ९१ जनाको ज्यान गएको कार्यालयको तथ्याकंमा उल्लेख छ । यसैगरि इलाममा ३ हजार ३ सय ५६ जना निको भएको जनाइएको छ ।
