- पदम सुखी सम्बाहाम्फे
कुम्मायक । पान्थर जिल्ला कुम्मायक गाउपालिकाको केन्द्र यासोक बजारमा रहेको झरेन्द्र खतिवडाको घरमा आगलागी भएको छ ।
शनिबार बेलुकी ७ः४५ बजे जुत्ता चप्पल पसल बाट एक्कासि आगो उठेको प्रत्यक्षदर्शीहरुको भनाइ रहेको छ ।
पाँचवटा पसल समेत रहेको उक्त घरमा आगलागी हुदा एक करोड दुई लाख बीस हजार रुपैयाँ बराबरको धनमाल जलेर नस्ट भएको जिल्ला प्रहरी कार्यलय पाचथरले जनाएको छ ।
विद्युत सट भइ उक्त घरमा आगलागी भएपछि स्थानीय ब्यक्तिहरु तथा प्रहरी प्रशासन र सदरमुकाम फिदिम बाट आएको बारुण यन्त्रद्वारा आगो पुर्णरुपमा नियन्त्रण गरिएको थियो ।
उक्त घटनाबाट मानबिय क्षती नभएको तर आसपासमा रहेका घरहरुलाई समेत आम्सिक क्षती पुगेको जनाइएको छ ।