एजेन्सी । आर्थिक संकटले निम्त्याएको समस्या समाधान गर्न श्रीलंकामा संसदबाट नयाँ राष्ट्रपति चयन गरिँदैछ ।
राष्ट्रपति गोटाबाया राजापाक्षले राजीनामा दिएपछि आज बुधबार संसदबाट नयाँ राष्ट्रपति चुन्न लागिएको हो ।
२ सय २५ सदस्यीय सदनबाट बहुमतको आधारमा श्रीलंकाले नयाँ राष्ट्रपति पाउने भएको छ ।
राष्ट्रपतिको प्रतिस्पर्धामा कार्यवाहक राष्ट्रपति रनिल विक्रमासिंघे छन् । विपक्षी उम्मेदवार दुल्लास अल्हाप्परुमा र अनुराकुमारा पमीसँग उनको प्रतिस्पर्धा हुनेछ ।
यसअघि पूर्वराष्ट्रपति राजपाक्षले आर्थिक संकटले निम्त्याएको समस्या समाधान गर्न असफल भएपछि श्रीलंका छाडेका थिए ।
