जेठ २५, माङसेबुङ । विश्वकप २०२६ छनोट तथा एएफसी एसियन कप २०२७ छनोटअन्तर्गत दोस्रो चरणको खेलमा युएईसँग नेपालले हार व्येहोरेको छ ।
बिहीबार राति साउदी अरबको दमामस्थित प्रिन्स मोहम्मद बिन फहद स्टेडियममा भएको खेलमा युएईसँग नेपालले ४–० गोल अन्तरले हार व्येहोरेको हो ।
युएईको जितमा खेलको पहिलो हाफको १२ औं र १४औं मिनेटमा हरिब अब्दुल्ला सुहेलले गोल गरेका थिए भने दोस्रो हाफकोे ५३ औं मिनेटमा आली सालेह र ७५औं मिनेटमा हाजेम मोहम्मदले गोल गरेका थिए ।
नेपाल पहिलो चरणको खेलमा पनि युएईसँग ४–० गोल अन्तरले नै पराजित भएको थियो ।
समूह एचको शीर्ष स्थानमा रहेको युएईले पाँच खेलबाट शतप्रतिशत जितसहित १५ अंक जोडेको छ भने नेपाल अंकविहीन पुछारमा रहेको छ ।
