जेठ ३०, माङसेबुङ । अमेरिका र वेस्ट इन्डिजमा जारि आईसीसी टी–२० विश्वकपअन्तर्गत नेपाल र श्रीलंका बीचको खेल वर्षाको कारण रद्द भएको छ ।
मंगलबार रातिदेखि लगातार भारी वर्षा भएपछि टस पनि हुन नसकेर नेपाल र श्रीलंका बीचको खेल रद्द भएको हो ।
आईसीसीको नियम अनुसार सेमिफाइनल र फाइनलको मात्रै रिजर्भ डे राखिएकाले दुवै टोलीले एक/एक अंक बाँडेका छन् ।
नेपाल र श्रीलंकाका दुवै खेलाडीले समर्थकलाई धन्यवाद दिएका छन् । नेपाली समर्थकको रंगशालामा बाक्लो उपस्थिति थियो ।
नेपालले अवको खेल वेस्ट इन्डिजको सेन्ट भिसेन्टमा दक्षिण अफ्रिकासँग शनिबार र सोमबार बंगलादेशसँग खेल्ने छ ।
