साउन २९, काठमाडौं । चर्च ब्वाइज युनाइटेड पारो एफसीसँग पराजित हुँदै एएफसी च्यालेन्ज कपको प्रारम्भिक छनोटबाटै बाहिरिएको छ ।
बुधबार साँझ त्रिपुरेश्वरस्थित दशरथ रंगशालामा भएको खेलमा पारोसँग २–१ गोल अन्तरले पराजित हुँदै चर्च ब्वाइज प्रारम्भिक छनोटबाटै बाहिरिएको हो ।
पारोको जितमा किङ्गा वाङ्चुक र विलियम ओपकुले गोल गरे । यस्तै, चर्च ब्वाइजका लागि लाकेन लिम्बूले एक मात्र गोल फर्काए ।
जितपछि पारो एएफसी च्यालेन्ज लिगको समूह चरणमा प्रवेश गरेको छ भने महादेशीय क्लब प्रतियोगितामा डेब्यु गरेको चर्च ब्वाइज बाहिरिएको छ ।
भुटानी क्लबले सिनियर स्तरमा नेपाली क्लबलाई हराएको यो पहिलो पटक हो ।
