भदौ २, काठमाडौं । साफ यु–२० च्याम्पियनसिपमा नेपालले विजयी सुरुवात गरेको छ ।
आइतबार सातदोबाटोस्थित एन्फा कम्प्लेक्समा भएको उद्घाटन खेलमा श्रीलंकामाथि १–० को जित निकाल्दै नेपालले विजयी सुरुवात गरेको हो ।
नेपालका लागि खेलको २४ औं मिनेटमा निराजन धामीले एकमात्र गोल गरे । उनको त्यो एक गोलनै नेपालको जितका लागि निर्णायक बन्यो ।
बल पोजिसनमा पकड जमाएपनि फिनिसिङमा भने बारम्बार चुक्दा नेपालले कठिन जित हासिल गरेको हो ।
