भदौ ६, काठमाडौं । साफ यु–२० च्याम्पियनसिपमा घरेलु टोली नेपाल समूह ‘ए’ को विजेता बन्दै सेमिफाइनलमा प्रवेश गरेको छ ।
बिहीबार सातदोबाटोस्थित एन्फा कम्प्लेक्समा भएको समूहचरणको अन्तिम खेलमा बंगलादेशमाथि २–१ गोलको जित निकाल्दै नेपाल ६ अंक सहित समूह ‘ए’ को विजेता बनेको हो ।
नेपालले पहिलो खेलमा श्रीलंकालाई १–० ले हराएको थियो ।
नेपाललाई जित दिलाउन समीर तामाङ र निराजन धामीले गोल गरे । बंगलादेशका लागि मिराजुल इस्लामले एक गोल फर्काए ।
बंगलादेशपनि ३ अंकका साथ समूह उपविजेता बन्दै सेमिफाइनलमा प्रवेश गरेको छ । बंगलादेशले पनि श्रीलंकालाई २–० ले पराजित गरेको थियो ।
