भदौ ७, काठमाडौं । डिफेन्डिङ च्याम्पियन भारत समूह ‘बी’ को विजेता बन्दै साफ यु–२० च्याम्पियनसिपको सेमिफाइनलमा प्रवेश गरेको छ ।
शुक्रबार सातदोबाटोस्थित एन्फा कम्प्लेक्समा भएको समूह ‘बी’ को अन्तिम खेलमा माल्दिभ्सलाई १–० गोल अन्तरले पराजित गर्दै भारत सेमिफाइनलमा प्रवेश गरेको हो ।
इन्ज्युरी समयमा माङ्लेङथान किपगेनले गोल गर्दै भारतलाई अन्तिम चारमा पुर्याएका थिए । समूह विजेता बनेसँगै भारतले सेमिफाइनलमा बंगलादेशसँगको भेट पक्का गरेका छन् ।
