माङसेबुङ । नेपालले साफ यु–१७ च्याम्पियनसिपमा पहिलो जित हासिल गरेको छ ।
सोमबार भुटानको चाङ्लिमिथाङ रंगशालामा भएको खेलमा श्रीलंकालाई ४–० ले पराजित गर्दै नेपालले पहिलो जित हासिल गरेको हो ।
नेपालको जितमा सुजन डंगोलले ह्याट्रिक गरे । यस्तै विज्ञान खड्काले गोल गरे ।
समूह ‘बी’ मा रहेको नेपाल पहिलो खेलमा पाकिस्तानसँग १–० ले पराजित भएको थियो । यो जितसँथै नेपालले सेमिफाइनल पुग्ने सम्भावना बढाएको छ ।
दुवै खेलमा पराजित श्रीलंका भने प्रतियोगिताबाट बाहिरिएको छ । श्रीलंका पहिलो खेलमा घरेलु टोलीसँग ५–१ ले पराजित भएको थियो ।
