कातिक १७, काठमाडौं । नेपालले हङकङ सिक्सेस क्रिकेट प्रतियोगितामा अस्ट्रेलियामाथि सानदार जित निकाल्दै लगातार दोस्रो जित हासिल गरेको छ ।
शनिबार बिहान भएको खेलमा नेपालले अस्ट्रेलियालाई ११ रनले पराजित गर्दै लगातार दोस्रो जित हासिल गरेको हो ।
नेपालले दिएको ११२ रनको लक्ष्य पछ्याएको अस्ट्रेलियाले निर्धारित ६ ओभरमा पाँच विकेट गुमाउँदै १०० रन मात्रै बनाउन सक्यो । प्रतिश जिसीको सानदार बलिङमा नेपालको जित सम्भव भएको थियो ।
पोल ‘बी’ मा रहेको नेपालले यसअघि इङ्ल्यान्डलाई ६ विकेटले पराजित गर्दै एक खेलअगावै क्वार्टरफाइनलमा स्थान बनाइसकेको थियो ।
नेपालले शनिबार नै सेमिफाइनल प्रवेशका लागि श्रीलंकासँग दिउँसो १ः३५ बजे प्रतिस्पर्धा गर्नेछ ।
