कातिक १७, माङसेबुङ । आईसीसी विश्वकप लिग–२ अन्तर्गतको त्रिदेशीय शृंखला अन्तर्गत नेपालले आज अमेरिकासँग प्रतिस्पर्धा गर्दैछ ।
अमेरिकाको टेक्सासस्थित ग्राण्ड प्रेरीमा नेपाली समयअनुसार आज शनिवार राति ९ः१५ बजेदेखि सुरु हुने खेलमा नेपालले अमेरिकासँग प्रतिस्पर्धा गर्न लागेको हो ।
आइतवार भएको सिरिजको पहिलो खेलमा नेपाल अमेरिकासँग ३ विकेटले पराजित भएको थियो । बुधवार भएको खेलमा भने नेपालले स्कटल्याण्डलाई ५ विकेटले हराएको थियो ।
नेपाल ५ अंक सहित तालिकाको सातौं स्थानमा छ । अमेरिका भने १२ अंक सहित तालिकाको दोस्रो स्थानमा छ ।
