माङसेबुङ । मेडिकल व्यवसायी दुर्गा प्रसाईं पक्राउ परेका छन् । प्रसाईंलाई प्रहरीको केन्द्रीय अनुसन्धान ब्यूरो (सीआईबी)ले आज पक्राउ गरेको हो ।
प्रसाईंलाई भक्तपुरस्थित निवासबाट आज पक्राउ गरिएको सीआईबीले जनाएको छ ।
प्रधानमन्त्री केपी शर्मा ओलीलाई जोडेर सामाजिक सञ्जालमार्फत अफवाह फैलाएको आरोपमा प्रसाईंलाई भक्तपुरस्थित निवासबाट पक्राउ गरिएको सीआईबीका प्रहरी उपरीक्षक तथा प्रवक्ता होविन्द्र बोगटीले बताए ।
प्रसाईंविरुद्ध साइबर अपराधमा अनुसन्धान अघि बढेको जनाइएको छ ।
कम्बोडियामा रहेको टेलिकम एक्जियाटा कम्पनीमा प्रधानमन्त्री केपी शर्मा ओलीको २१ करोड अमेरिकी डलर लगानी रहेको भन्दै प्रसाईले विभिन्न कागजात राखेर भिडियो सार्वजनिक गरेको जनाइएको छ ।
