माङसेबुङ । स्पेनिस ला लिगामा सानदार जित निकाल्दै बार्सिलोना शीर्ष स्थानमा उक्लिएको छ ।
आइतबार भएको खेलमा १० खेलाडीमा सीमित रियल सोसिडाडलाई ४–० को फराकिलो अन्तरले हराउँदै वार्सिलोना ला लिगाको शीर्ष स्थानमा उक्लिएको हो ।
बार्सिलोनालाई जित दिलाउन जेरार्ड मार्टिन, मार्क कसाडो, रोनाल्ड अराउजो र रोबर्ट लेवान्डोव्स्कीले गोल गरे ।
यस जितसँगै बार्सिलोना दोस्रो स्थानमा रहेको एट्लेटिको मड्रिडलाई एक अंकले पछाडि पार्दै शीर्ष स्थानमा उक्लिएको छ । बारेसिलोनाको २६ खेलबाट ५७ र एट्लेटिकोको ५६ अंक छ ।
