इलाम । दोस्रो अन्तर्राष्ट्रिय आमन्त्रण महिला गोल्डकप इलामको उपाधि एपिएफले चुमेको छ ।
इलामको ठूलो टुँडिखेल खेल मैदानमा शनिबार भएको फाइनलमा त्रिभुवन आर्मी क्लबमाथि २–१ को जित निकाल्दै एपिएफले महिला गोल्डकपको उपाधि कव्जा गरेको हो ।
एपिएफको जितमा गिता रानामगर र सविता रानमगरले समान १ गोल गरिन् । आर्मीका लागि भने विमला चैधरीले १ गोल फर्काइन ।
उपाधि जितेसँगै एपिएफले चार लाख रुपैयाँ हात पारेको छ । आर्मीले भने दुई लाख रुपैयाँमा चित्त बुझाएको छ ।
क्लब ओएसिस इलामको आयोजनामा फागुन १७ मा सुरु गोल्डकपमा आठ टिम सहभागी थिए ।
