माङसेबुङ । साविक विजेता बंगलादेशसँग पराजित हुँदै नेपाल साफ यू–१९ च्याम्पियनसिप फुटबलको सेमिफाइनलबाटै बाहिरिएको छ ।
युपियास्थित गोल्डेन जुब्ली स्टेडियममा भएको खेलमा नेपाल बंगलादेशसँग २–१ ले पराजित हुँदै सेमिफाइनलबाटै बाहिरिएको हो ।
बंगलादेशको जितमा असिकुर रहमान र मोहम्म जोए अहमदले गोल गरे । नेपालका लागि भने सुजन डंगोलले एक गोल फर्काए ।
उपाधि जित्ने लक्ष्यसहित भारत पुगेपनि नेपालले यस पटक फाइनलमा समेत स्थान बनाउन सकेन ।
गत वर्ष घरेलु मैदानमा भएको साफ यू–२० च्याम्पियनसिपको फाइनलमा नेपाल बंगलादेशसँगै पराजित हुँदा उपविजेता बनेको थियो ।
