माङसेबुङ । भारतले एक खेलअगाबै तेस्रोपल्ट साफ यु–१७ महिला च्याम्पियनसिपको उपाधि चुमेको छ ।
शुक्रबार थिम्पुस्थित चाङ्लिमिथाङ रंगशालामा भएको खेलमा भारतले दोस्रो लेगमा नेपाललाई ५–० ले पराजित गर्दै एक खेलअगाबै साफ यु–१७ महिला च्याम्पियनसिपको उपाधि चुमेको हो ।
भारतले यसअघि सन् २०१८ र ०१९ मा लगातार दुईपल्ट उपाधि जितेको थियो । भारतको जितमा पेरल फर्नान्डेज र दिव्यानी लिन्डाले समान २ गोल गरे । निरा चानुले एक गोल थपे ।
अपराजित रहेको भारतले ५ खेलबाट १५ अंक पु¥याएको छ । दोस्रो स्थानमा रहेको बंगलादेशको समान खेलबाट १० अंक छ । अब अन्तिम खेलमा भारत र बंगलादेश भिड्ने छन् ।
नेपालले भने अन्तिम खेलमा भुटानलाई चुनौती प्रस्तुत गर्नेछ । नेपालको ५ खेलबाट ३ र भुटानको समान खेलबाट १ अंक छ ।
