माङसेबुङ । नेपाली महिला क्रिकेट टोलीले मलेसियाविरुद्धको टी-२० आई सिरिज जितेको छ।
बुधबार भएको अन्तिम खेलमा मलेसियालाई ५ विकेटले हराउदै नेपालले मलेसियाविरुद्धको पाँच खेलको सिरिज ३-२ ले जितेको हो।
मलेसियाले दिएको १०४ रनको लक्ष्य नेपालले १८ ओभरमा ५ विकेटको क्षतिमा पूरा गर्यो ।
नेपालको जितमा रुबी पोदारले सर्वाधिक २६ रन बनाइन् । यस्तै पूजा महतोले २३ रन बनाउदा रुबिना क्षेत्री १५ रनमा अविजित रहिन् ।
मलेसियाकी नुर दानिया स्युहादा, आइसा एलिसा, आइना हमिजा, नुर आलिया बत्रिसिया र माहिरा इजातीले १-१ विकेट लिए ।
यसअघि टस जितेर पहिले ब्याटिङ गरेको मलेसियाले २० ओभरमा ६ विकेट गुमाएर १०३ रन बनाएको थियो ।
मलेसियाका लागि कप्तान विनिफ्रेड दुराइसिंघामले सर्वाधिक ४० रन बनाइन् ।
नेपालकी कविता कुँवर र राजमती ऐरीले पनि ३-३ विकेट लिइन् ।
