माङसेबुङ । नेपालले आईसीसी टी–२० विश्वकप एसिया तथा इस्ट एसिया पेसिफिक छनोटको सुपर सिक्समा कतारमाथि ५ रनको रोमाञ्चक जित निकालेको छ ।
सोमबार ओमानमा भएको खेलमा सन्दीप लामिछानेले ५ विकेट लिएपछि नेपालले कतारमाथि ५ रनको रोमाञ्चक जित निकालेको हो ।
नेपालले दिएको १४८ रनको लक्ष्य पछ्याएको कतार १४२ रन बनाएर अलआउट भयो ।
कतारका लागि ओपनर इमाल लियानागेले सर्वाधिक ५५ रन बनाए । यस्तै जुबेर अलीले ५२ रन बनाए ।
नेपालको जितमा सन्दीपले सर्वाधिक ५ विकेट लिए । यस्तै नन्दन यादवले २ तथा दीपेन्द्रसिंह ऐरीले १ विकेट लिए ।
एक समय सहज जितको अवस्थामा रहेको कतारविरुद्ध नेपालले शानदार पुनरागमन गरेको हो ।
यसअघि टस हारेर पहिले ब्याटिङ गरेको नेपालले २० ओभरमा ९ विकेट गुमाएर १४७ रन बनाएको थियो ।
नेपालका लागि कप्तान रोहित पौडेलले सर्वाधिक ५८ रन बनाए । यस्तै दीपेन्द्रसिंह ऐरीले २६ रन र गुल्शन झाले १६ रन बनाए ।
कतारका लागि कप्तान मिर्जा बेग र डानियल लुइसले पनि ३ विकेट लिए । यस्तै मुहम्मद असिमले १ विकेट लिए ।
