माङसेबुङ । नेपाल त्रिदेशिय अन्तर्राष्ट्रिय महिला मैत्रीपूर्ण फुटबलमा इरानसँग ३–० ले पराजित भएको छ ।
शुक्रबार शिलोङस्थित जवाहरलाल नेहरु मैदानमा भएको खेलमा नेपाल इरानसँग ३–० ले पराजित भएको हो ।
इरानको जितमा सारा दिदार, जाहरा घानबारी र सबनम बेहेसितले गोल गरे ।
लगातार दुई खेल जित्दै इरानले त्रिदेशिय अन्तर्राष्ट्रिय मैत्रीपूर्ण फुटबलको उपाधि जितेको छ ।
इरानले पहिलो खेलमा घरेलु टोली भारतलाई २–० ले पराजित गरेको थियो ।
नेपालले दोस्रो खेल १० कात्तिकमा भारतसँग खेल्नेछ ।
