माङसेबुङ । विभागीय टोली नेपाल पुलिस क्लबले एलभिडी झापा महिला गोल्डकपमा फराकिलो जित हासिल गरेको छ ।
आज झापाको शिवसताक्षीमा भएको उद्घाटन खेलमा चर्च ब्वाइज युनाइटेडलाई ८–० को फराकिलो गोल अन्तरले हराउँदै पुलिस सेमिफाइनलमा प्रवेश गरेको छ ।
पुलिसको जितमा मिना देउवाले ५ गोल र रेखा पौडेलले ह्याट्रिक पूरा गरे ।
खेलको प्लेयर अफ द म्याच पुलिसकी मिना देउबा भइन् । उनले नगद १५ हजार र ट्रफी पाइन् ।
भोलिको दोस्रो क्वार्टर फाइनल खेल एपिएफ फुटबल क्लब काठमाडौं र सिंग्लिङ स्पोर्टिङ क्लब सिक्किमबीच हुनेछ ।
दुधे रंगशालामा जारी प्रतियोगिताको फाइनल खेल कात्तिक २४ गते हुनेछ ।
प्रतियोगिताको विजेता टिमले नगद १० लाख १० हजार रुपैयाँ पाउनेछ । उपविजेताले भने नगद पाँच लाख रुपैयाँ पाउनेछ ।
यस्तै सर्वोत्कृष्ट खेलाडीलाई नगद एक लाख ५० हजार रुपैयाँ प्रदान गरिने आयोजकले जनाएको छ ।
