
काठमाडौं । नेपाल प्रिमियर लिग (एनपीएल) मा । काठमान्डु गोर्खाजले तेस्रो जित हात पारेको छ ।
कीर्तिपुरस्थित टीयू अन्तर्राष्ट्रिय क्रिकेट मैदानमा शुक्रबार भएको बागमती डर्बी खेलमा चितवन राइनोजलाई ५३ रनले पराजित गर्दै काठमान्डुले तेस्रो जित हात पारेको हो । यो जित सँगै पाँच खेल खेलिसकेको काठमान्डु ६ अंकका साथ तेस्रो स्थानमा उक्लेको छ ।
काठमान्डुले दिएको १४३ रनको लक्ष्य पछ्याएको चितवन राइनोजले १७.१ ओभरमा सबै विकेट गुमाएर ८९ रन मात्र बनाउन सक्यो ।
चितवनका लागि देव खनाल र रबि बोपाराले समान २१ रन बनाए भने सोहे तनविरले १८ रन जोडे ।
काठमाडौंको जितमा रासिद खानले सार्वाधिक ३ विकेट लिए । कप्तान करण केसी, मिलिन्द कुमार र शाहब आलमले समान २ विकेट लिए ।
यसअघि टस हारेर पहिले ब्याटिङ गरेको काठमान्डुले १९.४ ओभरमा सबै विकेट गुमाएर १४२ रन बनाएको थियो ।
काठमान्डुका लागि सिम्पसनले सर्वाधिक ६० रन बनाए । यस्तै मिलिन्द कुमारले ३८ रन जोडे ।
चितवनका लागि सोहेल तनविरले सार्वधिक ४ विकेट लिए । यस्तै रन्जित कुमार र कमलसिंह ऐरीले समान २ दुई तथा रवि बोपाराले एक विकेट लिए ।







