काठमाडौं । साफ महिला क्लब च्याम्पियनसिपको उपाधि इस्ट बंगाल एफसीले चुमेको छ ।
त्रिपुरेश्वरस्थित दशरथ रंगशालामा शनिबार भएको खेलमा नेपालीको क्लव एपीएफ एफसीलाई ३–० ले पराजित गर्दै भारतीय क्लब बंगालले उपाधि चुमेको हो ।
बंगाललाई जिताउन फजिलाले २ तथा सिल्की देवीले १ गोल गरिन् ।
योसँगै इस्ट बंगाल अपराजित रहँदै उपाधि चुम्न सफल रह्यो । एपीएफ भने फाइनलमा गएर चुक्न पुग्यो ।
लिग चरणमा दुई खेलमा जित र २ बराबरीसहित एपीएफ शीर्ष दुईमा रहेर फाइनलमा पुगेको थियो ।
