दमक, २९ भदौ । झापाको दमक ५ स्थित प्रसन्न थेरापी एण्ड आयूबेर्दिक क्लिनिकमा पायल्सको उपचार गर्न आएकी एक महिलाको मृत्यु भएको छ ।
मृत्यु हुनेमा दमक ९ की १७ बर्षीय शुष्मादेबी चौधरी रहेको इलाका प्रहरी कार्यालय दमकले जनाएको छ । चौधरी पायल्सको उपचारका लागि प्रसन्न थेरापी एण्ड आयुर्वद क्लिनिकमा गएकी थिईन् ।
चौधरीलाई क्लिनिकका चिकित्सकले एउटा इन्जेक्सन लगाई दिएपछि सिकिस्त बनेपछि थप उपचारका लागि लाईफलाईन अस्पताल ल्याउन साथ मृत्यु भएको पीडितका परिवारले जनाएको छ ।
मृतक चौधरीको शव आफन्तले बुझन नमानेपछि शव अस्पतालमानै रहेको छ र चौधरीका परिवारजनले क्लिनिकको गलत उपचारका कारण शुष्माको ज्यान गएको आरोप लगाएका छन् । प्रहरीले सो क्लिनिकका सञ्चालक श्याम श्रेष्ठलाई अनुसन्धानका लागि नियन्त्रणमा लिएको प्रहरी नायव उपरिक्षक श्यामल सुब्बाले जानकारी दिए ।
