पदम दुखी सङबाङफे
२३ असोज २०७६, पाँचथर/पाँचथर कारागारमा रहेको एक कैदिको उपचारको क्रममा मृत्यु भएको छ ।
मृत्यु हुनेमा पाँचथर जिल्ला साविक याङनाम ६, हाल फिदिम न.पा. १० घर भएका अन्दाजी २६ वर्षिय बुद्धि केरुङ रहेका छन् ।
उनि असोज २० गते दिँउसो १ बजेको समयमा झाडा बान्ताको बिरामी भए पश्चात् उपचारको लागि जिल्ला अस्पताल पाँचथरमा लगिएको थियो ।
उपचारको क्रममा केरुङको मृत्यु भएको जिल्ला प्रहरी कार्यलय पाँचथरका प्रहरी निरीक्षक अनिल कुमार पौडेलले बताए ।
मृतक जबरजस्ति करणि मुद्धामा ८ वर्ष कैद भूक्तानको लागी २०७३ साल मङ्सिर २० गते देखि जिल्ला प्रहरी कार्यलयको कारागारमा रहेका कुरा प्रहरी निरीक्षक पौडेलले बताएका छन् ।
