काठमाडौं / नेपालमा थप १० जनामा कोरोना भाइरस(कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार नेपालमा आइतबार बिहान थप १० जनामा कोरोना भाइरस(कोभिड–१९) संक्रमण पुष्टि भएको हो ।
राष्ट्रिय जनस्वास्थ्य प्रयोगशाला काठमाडौँमा गरिएको परीक्षणमा रौतहटको राजपुर नगरपालिका ९, फरहदवा निवासी १८, ३२, ३६, ३९, ४२ र ४८ वर्षीय पुरुषमा कोरोना संक्रमण पुष्टि भएको स्वास्थ्य मन्त्रालयले जनाएको छ ।
यसैगरि रौतहटकै इशनाथ नगरपालिका ३ र ५ निवासी २८, ३० र ३३ वर्षीय पुरुषमा कोरोना संक्रमण पुष्टि भएको स्वास्थ्य मन्त्रालयले जनाएको छ ।
योसंगै नेपालमा कोरोना भाइरस(कोभिड–१९) संक्रमितको संख्या २ सय ९१ पुगेको छ । यसैगरि नेपालमा कोरोना भाइरस (कोभिड(१९) बाट एक महिलाको को मृत्यु भएको छ ।
उनीहरुको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको स्वास्थ्य तथा जनसंख्या मन्त्रालयले जनाएको छ ।
नेपालमा संक्रमित मध्ये ३६ जना भने उपचारपछि निको भएर घर फर्किएका छन् ।
