काठमाडौं । नेपालमा पछिल्लो २४ घण्टामा थप ७ हजार ९ सय १४ जनामा कोरोना भाइरस संक्रमण पुष्टि भएको छ । यो संगै हाल देशभर १ लाख १५ हजार ५४७ जना संक्रमित रहेको मन्त्रालयले जनाएको छ ।
आइतबारको प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले यो अवधिमा कोरोनाका कारण १ सय ९३ जनाको मृत्यु भएको जनाएको छ ।
यस्तै पछिल्लो २४ घण्टामा ७ हजार ६ सय ६४ जना कोरोना संक्रमणबाट मुक्त भएका छन् ।
जसमध्ये संस्थागत आइसोलेशनमा ७ हजार ३ सय ४९ जना र होम आइसोलेशनमा १ लाख ८ हजार १९८ जना रहेका छन् ।
