राष्ट्रपति चयनका लागि इरानमा मतदान हुँदै - Mangsebung News
  • शुक्रबार, चैत १६, २०८०
माङ्सेबुङ मासिकको अनलाईन संस्करण

राष्ट्रपति चयनका लागि इरानमा मतदान हुँदै

काठमाडौं । आज नयाँ राष्ट्रपति चयनका लागि इरानमा मतदान हुँदैछ । राष्ट्रपति हसन रुहानीको कार्यकाल सकिएपछि आज निर्वाचन हुन लागेको हो ।

चार जना उम्मेदवार चुनावी मैदानमा छन् । एक्जिट पोलहरुमा गरिएको प्रक्षेपणअनुसार रुढीवादी शिया धर्मगुरु एवम् त्यहाँको सर्वोच्च अदालतका प्रमुख इब्राहिम राईसी जितको नजिक छन् ।

राईसीको मुख्य प्रतिद्वन्द्वीको रुपमा इरानको केन्द्रीय बैंकका पूर्व गभर्नर अब्दुलनासेर हेमाती हुन् । यसपटकको निर्वाचन त्यहाँका कयौं असन्तुष्ट तथा केही सुधारवादी नेताहरुले बहिष्कार गरेका छन् ।

सन् २०१७ मा अमेरिकी राष्ट्रपति डोनल्ड ट्रम्पले परमाणु सम्झौता अन्त्य गर्दै विभिन्न क्षेत्रमा नाकाबन्दी गरेपछि इरानमा आर्थिक मन्दीका साथै सरकारप्रति नागरिकको आक्रोश बढेको छ ।

यो बीचमा राष्ट्रपति हसन रुहानीले आफ्नो नरम छवि प्रस्तुत गर्दै अमेरिका लगायतका देशहरुसँगको सम्बन्ध सुधारको प्रयास गरे पनि असफल भएका छन् । इरानमा एक व्यक्ति दुई कार्यकालमात्र राष्ट्रपति हुन पाउने व्यवस्था छ ।

सम्बन्धित खवर