काठमाडौं । सरकारले जापानका पूर्वप्रधानमन्त्री सिञ्जो आबेको निधनमा आज शनिबार राष्ट्रिय शोक मनाउने निर्णय गरेको छ ।
शुक्रवार बसेको मन्त्रिपरिषद् बैठकले आबेको निधनमा आज शनिबार राष्ट्रिय शोक मनाउने निर्णय गरेको हो । योसँगै शनिबार राष्ट्रिय स्तरमा कुनै पनि औपचारिक कार्यक्रम आयोजना हुने छैन ।
सरकारले जापानका पूर्वप्रधानमन्त्री सिञ्जो आबेको हत्या भएको घटनाप्रति गहिरो दुःख व्यक्त गरेको छ ।
सरकारले उनको परिवार, जापान सरकार र जापानी जनाताप्रति गहिरो दुःख व्यक्त गर्दै आबेप्रति श्रद्धाञ्जली अर्पण समेत गरेको छ ।
