चैत १७, माङसेबुङ । उपप्रधान तथा गृहमन्त्री रबि लामिछानेले किरात धर्मगुरु मुहिङगुम अङसीमाङ लिङदेन आत्मानन्द सेइङसँग भेटदर्शन गरेका छन् ।
शुक्रबार इलामको माङसेबुङ ५ स्थित गुरु निजी आश्रममा राष्ट्रिय स्वतन्त्र पार्टीका सभापती समेत रहेका गृहमन्त्री लामिछानेले किरात धर्मगुरुसँग मुहिङगुम अङसीमाङ लिङदेन आत्मानन्द सेइङसँग भेटदर्शन गरेका हुन् ।
भेटदर्शनमा युवा तथा खेलकुद मन्त्री विराजभक्त श्रेष्ठ र राष्ट्रिय स्वतन्त्र पार्टीका सहप्रवक्ता रमेश प्रसाई समेत सहभागी थिए ।
यसैगरि शुक्रबार नै जनमत पार्टीका अध्यक्ष तथा संघीय संसद डा.चन्द्रकान्त(सिके) राउतले किरात धर्मगुरु मुहिङगुम अङसीमाङ लिङदेन आत्मानन्द सेइङसँग भेटदर्शन गरेका छन् ।
आगमी बैशाक १५ गते इलाम २ मा हुनगईरहेको उपनिर्वाचन नजिकिदै गर्दा बिभिन्न राजनैतिक दलका शिर्ष नेताहरुद्वारा गुरु भेटदर्शन गर्ने क्रम बढ्न थालेको छ ।
राष्ट्रिय स्वतन्त्र पार्टीको तर्फबाट पत्रकार मिलन योङहाङलाई उम्मेदवार घोषणा गरेका छन् । यस्तै जनमत पार्टीको तर्फबाट इलाम २ मा नेता प्रेमदिप थाम्सुहाङलाई अघि सारेका छन् ।
गत भदौ २६ मा नेकपा (एमाले) नेता सुवासचन्द्र नेम्बाङको निधन भएपछि इलाम क्षेत्र २ को प्रतिनिधिसभा निर्वाचन क्षेत्र रिक्त भएको हो ।