भदौ ५, काठमाडौं । साफ यु–२० च्याम्पियनसिपमा भुटान सेमिफाइनलमा प्रवेश गरेको छ ।
बुधबार सातदोबाटोस्थित एन्फा कम्प्लेक्समा भएको खेलमा माल्दिभ्सलाई २–१ गोल अन्तरले हराउँदै भुटान सेमिफाईनलमा प्रवेश गरेको हो ।
भुटानको जितमा जित्सुन दोर्जी र न्गाङ्ग छोपेलले गोल गरे । यता माल्दिभ्सका लागि भने फिराकले एक गोल फर्काए ।
भारतलाई सेमिफाइनल पुग्न माल्दिभ्ससँगको नतिजा कुर्नुपर्ने भएको छ । भारतलाई बराबरीको नतिजा नै पर्याप्त हुनेछ ।
