काठमाडौं / नेपालमा बिहिबार सांझ थप ३ जनामा कोरोना भाइरस(कोभिड–१९) संक्रमण पुष्टि भएको छ । यससँगै नेपालमा कोरोना संक्रमितको कुल संख्या ४ सय ५७ पगेको छ ।
स्वास्थ्य मन्त्रालयले भेरी अस्पताल नेपालगञ्ज र प्रादेशीक जनस्वास्थ्य प्रयोगशाला रुपन्देहीमा गरिएको परीक्षणमा थप ३ जनामा कोरोना भाइरस(कोभिड–१९) संक्रमण पुष्टि भएकोे जनाएको छ ।
बाँके नरैनापुर–३ का ३२ वर्षीय पुरुष, बाँकेकै खजुरा–३ की ४२ वर्षीय महिला र कपिलवस्तुको शुद्धोधन गाउँपालिकका १९ वर्षीय पुरुषमा कोरोना भाइरस पोजेटिभ देखिएको स्वास्थ्य मन्त्रालयले जनाएको छ ।
नेपालमा कोरोना भाइरसका कारण ३ जनाको मृत्यु भएको छ भने, ४९ जना उपचारपछि निको भएर घर फर्किएका छन् ।
