आन्छुमे नसान
दमक/पछिल्लो समय चर्चामा रहेकी बाल गायिका माङगेना कुरुम्बाङ लिम्बुको आवाजमा रहेको राष्ट्रभक्ति भावले ओतप्रोत भएको गीत ‘गोर्खालीको छोरी’ म्यूजिक भिडियो युट्यूव मार्फत सार्वजनिक गरिएको छ ।
निर्देशक तथा कलाकार अनिस लाओती ‘सिङजाङ’ले निर्देशन गरेको भिडियोमा चर्चामा रहेका बाल गायक मनिस लिम्बू र बाल कलाकार खुशी थेगिम लिम्बुले दमदार अभिनय गरेका छन् ।
गीतकार शिव तोलाङगीको शव्द सृजना रहेको गीत गायक तथा संगीतकार लेखनाथ चेम्जोङले संगीत भरेका हुन् । चन्दु गोर्खालीको संगीत संयोजन रहेको भिडियोमा सोम मगरातीकोे शृङ्गार रहेको छ ।
दार्जिलिङका विभिन्न ठाउँहरुमा छाँयाङकन गरिएको भिडियो इसाक जवेगुले खिचेका हुन । इसाक जवेगुकै सम्पादन रहेको भिडियो पेङगुइन फिल्मस्को अफिसियल युट्यूव च्यानल मार्फत सार्वजनिक गरिएको हो ।
भिडियो पुरा हेर्नुहोस
