आन्छुमे नसान
माङसेबुङ/फक्ताङलुङ आइडल गायिका तिर्सना नेम्बाङ र गायक इन्द्रशुसील चोङबाङको आवाजमा रहेको बिल्कुलै नयाँ पुर्वेली भाकाको गीत ‘झिल्के सोल्टा’ भिडियो सार्वजनिक गरिएको छ ।
टिपिकल पृथक लयमा तयार पारिएको गीतलाई गायक इन्द्रशुसील चोङबाङ लिम्बुले लय संकलन गरेका हुन् । राजु कार्की को संगीत संयोजन रहेको गीतलाई गीतकार एस पी निङलेकु लिम्बुले सृजना गरेका हुन् ।
तरेमा र तरेवाहरुको जुहारी (पुर्वेली दोहोरी)लाई प्रस्तुत गर्न खोजिएको भिडियोमा गायिका तिर्सना र गायक इन्द्रशुसीलको अलावा रोजिना थेगिम, सिमरन भण्डारी, प्रकाश थलङ, असोक थलङ र सन्देश इश्बोले समेत साथ दिएका छन् ।
किङ स्टुडियोमा रेकर्डिङ गरिएको गीतलाई सुरेश राईले रेकर्डिङ गरेका छन् भने राजु कार्कीले मिक्सिङ गरेका हुन् ।
कृष्ण थलङको छाँयाङकन तथा सम्पादनमा तयार गरिएको भिडियो सिमिक्लुङ दर्पण युट्यूव च्यानल मार्फत सार्वजनिक गरिएको हो ।
भिडियो हेर्नुहोस
