दमक / कोरोना भाइरस (कोभिड १९)को संक्रमण नेपाल भित्रिन नदिने उद्देश्यले लामो दुरीका सवारी साधन बन्द भएका छन् ।
सोमबारबाट सबै खाले लामो दुरीका सवारी साधन अनिश्चित समयका लागि बन्द गराइएको हो ।
यसअघि प्रधानमन्त्री केपी शर्मा ओलीले राष्ट्रको नाममा सम्बोधन गर्दै चैत १० देखि केही समयका लागि लामो दुरीका सवारी साधन चलाउन रोक लगाउने निर्णय सरकारले गरेको जानकारी गराएका थिए ।
कोरोना भाइरस रोकथाम तथा नियन्त्रणका लागि सरकारले चीन र भारतसँग जोडिएका नेपालका नाकाहरु पनि एक साताका लागि बन्द गराइएको छ । सबै अन्तर्राष्ट्रिय उडानहरु पनि बन्द गरिसकेको छ । तर सीमा नाकाबाट अत्यावश्यक सामाग्रीको ढुवानी भने जारी रहने छ ।