माङसेबुङ / विश्वब्यापी रुपमा देखा परेको कोरोना भाईरबाट बच्नका लागि इलामको देउमाई नगरपालिकाले हाललाई सबै सेवा बन्द गर्ने निर्णय गरेको छ ।
बुधबार नगरपालिकाले एक सूचना जारी गर्दै नगरपालिकामा संचालित अतिआवश्यक बाहेक पसल , हाटबजार र यातायत सेवा बन्द गर्ने निर्णय गरेको हो ।
देउमाई नगरपालिकाका प्रमुख सूर्य पोखरेलले बिश्वब्यापी रुपमा फैलिएको कोरोनाबाट नगरबासीलाई सुरक्षित राख्नका लागि सबै नगरका सेवा, बजार पसल, यातायत बन्द गरिएको जानकारी दिएका छन् ।
नगरका सूचना अधिकारी गोेबिन्द बास्तोलाले यदि कोही ब्यक्तिमा कुनै समस्या देखा परे नगरमा समेत खबर गर्न आग्रह गरेको छ ।
नगरले कोरोनाबाट बच्न अपनाउनु पर्ने सजगता अपनाउन समेत आग्रह गरेको छ ।
