काठमाडौ / नेपालमा थप दुई जना कोरोना भाईरस (कोभिड १९) को संक्रमित थपिएका छन् ।
स्वास्थ्य मन्त्रालयका प्रवक्ता डा. विकास देवकोटाका अनुसार जनकपुरमा एक जना र उदयपुरमा एक जना गरी दुई जना कोरोना संक्रमित भेटिएका हुन् ।
उनका अनुसार उदयपुरकी ५५ वर्षीया एक महिलामा र धनुषाको जनकपुरस्थित १४ वर्षीय एक किशोरमा पनि कोरोना संक्रमण पुष्टि भएको छ ।
यो सँगै नेपालमा जम्मा कोरोना संक्रमितको संख्या ४७ पुगेको छ भने उदयपुरमा मात्रै कोरोना संक्रमितको संख्या २८ पुगेको छ । निको हुनेको संख्या पनि ९ पुगेको जानकारीे दिएका छन् ।
त्यस्तै डा.देवकोटाका अनुसार सनसिटी अपार्टमेन्टमा बस्दै आएका दुई जना कोरोना संक्रमणबाट निको भएका छन् । योसँगै बिहीबारसम्म देशका विभिन्न अस्पतालमा उपचार गर्नेको संख्या ३८ रहेको छ ।
