काठमाडौं / नेपालमा एकैदिनमा दूई महिने बच्चा सहित थप १७ जनामा कोरोना भाइरस(कोभिड–१९) संक्रमण पुष्टि भएको छ । यससंगै नेपालमा कोरोना भाइरस संक्रमितको संख्या ९९ पुगेको छ ।
बुधबार मात्रै पर्साको वीरगञ्जमा थप १७ जनालाई कोरोना भाइरसको संक्रमण पुष्टि भएको स्वास्थ्य मन्त्रालयले जनाएको छ ।
मन्त्रालयले नियमित प्रेस ब्रिफिङमा वीरगञ्जमा थप १७ जनालाई कोरोना संक्रमण पुष्टि भएको जनाएको हो ।
मन्त्रालयका प्रवक्ता डाक्टर विकास देवकोटाका अनुसार उनीहरू सबै विरगन्जका भएकोे जानाएको छ । उनका अनुसार सङ्क्रमण हुनेमा २ महिनाको बच्चा समेत रहेका छन् ।
तर उनी बालक हुन् कि बालिका त्यसबारे केही खुलाइएको छैन । यसैगरि नेपालमा कोरोना बाट २२ जना उपचारपछि निको भएर घर फर्किसकेका छन् ।
