काठमाडौं / नेपालमा थप १३ जनामा कोरोना भाइरस(कोभिड–१९) संक्रमण भएको पुष्टि भएको छ । यो सँगै सोमबार एकैदिन २४ जनामा कोरोना संक्रमण पुष्टि भएको हो ।
कपिलवस्तुमा ६ जना, रुपन्देहीमा ६ जना र बर्दियामा १ जना गरी थप १३ जनामा कोरोना पुष्टि भएको स्वास्थ्य मन्त्रालयले जनाएको छ ।
मन्त्रालयका अनुसार यी सबैको राष्ट्रिय जनस्वास्थ्य प्रयोगशाला काठमाडौंमा परीक्षण गरिएको हो ।
सोमबार विहानमात्रै कपिलवस्तुमा १० जनामा र सप्तरीमा पनि एक युवकमा कोरोना संक्रमण पुष्टि भएको थियो ।
सोमबार साँझ थप १३ जनामा पुष्टि भएपछि नेपालमा एकै दिन २४ जनामा कोरोना संक्रमण पुष्टि भएको छ ।
योसँगै नेपालमा कोरोना संक्रमितको संख्या १३४ पुगेको छ । ३३ जना भने निको भएर घर फर्किएका छन् ।
