काठमाडौं / कोरोना भाइरस (कोभिड–१९) को संक्रमिण फेरी ९ जना थपिएका छन् । योसँगै नेपालमा कोरोना संक्रमितको संख्या २ सय ६७ पुगेको छ ।
स्वास्थ्य तथा जनसंख्या मन्त्रालयका सहप्रवक्ता समिर कुमार अधिकारीका अनुसार राष्ट्रिय जनस्वास्थ्य प्रयोगशालामा, काठमाडौं, विपी कोइराला स्वास्थ्य विज्ञान प्रतिष्ठान धरान र भेरी अस्पताल, नेपालगञ्जमा गरीएको परिक्षण अनुसार ९ जना नयाँ कोरोना संक्रमितको भेटिएका हुन् ।
ती मध्ये पर्सा विरगंज निवासी ९ र १० वर्षिय बालक, २३, ४७ वर्षीय महिला रहेका छन् ।
त्यस्तै उदयपुर त्रियुगा न.पा. निवासी २५ वर्षीय पुरुष रहेका छन् । त्यसैगरी दाङको गडुवा वडा न. ४, ५ र तुलसीपुर निवासी २३, ३६, ३४ वर्षीयहरु रहेका छन् ।
त्यस्तै काठमाडौ सप्तुंगल निवासी ७ वर्षीय बालक रहेका छन् ।
उनीहरु सबै जनाको स्वास्थ्य स्थिती सामान्य रहेको मन्त्रालयले जनाएको छ ।
