काठमाडौं । नेपालमा थप १ हजार ३ सय २५ जनामा कोरोना भाइरस(कोभिड–१९) संक्रमण पुष्टि भएको छ ।
यो सँगै नेपालमा कोरोना भाइरस(कोभिड–१९) संक्रमितको संख्या ६४ हजार १ सय २२ पुगेको छ ।
आइतबार स्वास्थ्य तथा जनसंख्या मन्त्रालयको कोरोना अपडेटबारे नियमित प्रेस ब्रिफिङमा पछिल्लो २४ घन्टामा देशभरका विभिन्न जिल्लामा गरि १ हजार ३ सय २५ जनामा कोरोना भाइरसको संक्रमण भएको जनाएको छ ।
मन्त्रालयका प्रवक्ता डा जागेश्वर गौतमले पछिल्लो २४ घन्टामा थपिएका १ हजार ३ सय २५ जनासहित देशभर संक्रमितको संख्या ६४ हजार १ सय २२ पुगेको छ ।
स्वास्थ्य तथा जनसंख्या मन्त्रालयका अनुसार संक्रमितमध्ये नेपालमा ४६ हजार २ सय ३३ जना उपचारपछि घर फर्किएका छन् ।
यसैगरि पछिल्लो २४ घण्टामा कोरोना भाइरसबाट थप १० जनाको मृत्यू भए संगै मृत्यू हुनेको संख्या ४ सय ११ जना पुगेकोे छ ।
