काठमाडौं । नेपालमा पछिल्लो २४ घन्टामा १ हजार ३ सय ४ जनामा कोरोना भाईरस(कोभिड–१९) संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घन्टामा २ हजार ७३ जना संक्रमित कोरोना मुक्त भएका छन् ।
मन्त्रालयका अनुसार पछिल्लो २४ घन्टामा थपिएका १ हजार ३ सय ४ जनासहित देशभर संक्रमितको संख्या २ लाख ३३ हजार ४ सय ५२ पुगेको छ ।
स्वास्थ्य तथा जनसंख्या मन्त्रालयका अनुसार संक्रमितमध्ये पछिल्लो २४ घन्टामा २ हजार ७३ जना संक्रमित कोरोना मुक्त भएसंगै नेपालमा २ लाख १६ हजार ५ सय ९४ जना उपचारपछि घर फर्किएका छन् ।
अहिले देशभर सक्रिय कोरोना संक्रमितको संख्या १६ हजार ६ सय ३३ रहेको छ । यसैगरि नेपालमा पछिल्लो २४ घन्टामा कोरोना संक्रमणबाट थप २१ जनाको मृत्यू भए संगै मृत्यू हुनेको संख्या १ हजार ५ सय २९ पुगेकोे छ ।
