- आन्छुमे नसान
माङसेबुङ । लोकप्रिय गायक तथा संगीतकार राजेन्द्र केरुङ, गायक बिजय फागो, गायिका उषा राई र गायिका उपाश्ना पोख्रेलको सुमधुर आवाजमा सजिएको पुर्वेली लोक भाकाको गीत ‘सिन्दुर साक्षी छ’ भिडियो युट्यूवबाट सार्वजनिक गरिएको छ ।
गीतकार तथा संगीतकार शिवसंगम राईको शब्द तथा संगीतमा सजिएको पुर्वेली लोक भाकाको गीत ‘सिन्दुर साक्षी छ’ भिडियो फालेलुङ टिभी युट्यूव च्यानलबाट सार्वजनिक गरिएको हो ।
दुर्लभ जन्तरेको परिकल्पना तथा निर्देशन रहेको भिडियोमा अहिलेका चर्चित मोडल तथा डान्सर सुधिर श्रेष्ठ र बिमला खजुमले मुख्य अभिनय गरेका छन् ।
मिङ्मा शेर्पाको छायाँकन, ड्रोन, सम्पादन तथा कलर र शंखर बरालको मेकअप रहेको भिडियोमा टेक नाछिरिङ, लक्ष्मण मिसन कार्की, बिरेन्द्र केरुङले समेत अभिनय गरेका छन् ।
फालेलुङ टिभीको प्रस्तसतिमा सुबास थेगिम हाङ्सरुम्बाको निर्माण सहयोगमा बनेको भिडियोको छायाँकन भने काठमाडौंको साँखु, पालुबारी क्षेत्रमा गरिएको हो ।
बिनेश राईको संगीत संयोजन रहेको गीतलाई रेकर्डिङ तथा मिक्सिङ शुन्दर लामाले गरेका हुन् ।
लाखौं नेपालीहरु अभाव, पिडा, बेरोजगारीका कारण बिदेशिनु पर्ने बाध्यतात्मक परिस्थिती बर्षौदेखी भोगिरहेका छौँ । सात समुन्द्रपार आफ्नो मायालु, घरपरिवारसँग छुट्टीएर बस्नुपर्दाको पिडालाई अत्यन्तै कलात्मक ढङ्गले भिडियोमा उतार्न खोजिएको छ ।
भिडियो हेर्नुहोस…
https://www.youtube.com/watch?v=vhTBNekL8AE
